Təhsil Nazirliyinin 14 mart  2022-ci il tarixli F-134 nömrəli əmrinə uyğun olaraq rayonun ümumi təhsil müəssisələrində  “Şuşa ili” ilə bağlı dəyirmi masalar  keçirilib.

Tədbirlər zamanı qeyd edilib ki, cənab Prezident  İlham Əliyevin  müvafiq sərəncamı  ilə  2022-ci il  ölkədə  “Şuşa İli”  elan edilmişdir.Qarabağın tacı olan Şuşa xalqımız üçün müqəddəs bir məkandır. Şuşa sevgisi hər bir azərbaycanlının mənəvi varlığının ayrılmaz parçasıdır.Torpaqlarımızın işğaldan azad olunması uğrunda aparılan  44 günlük  Vətən müharibəsində  Ali Baş Komandan  İlham Əliyevin rəhbərliyi ilə rəşadətli Azərbaycan Ordusu 2020-ci il noyabrın ayının 8-də Şuşa şəhərini işğaldan azad etmişdir.Ermənistanın məğlubiyyəti ilə nəticələnən Şuşa qalibiyyəti xalqımızın qəhrəmanlıq  ruhunun təntənəsinə çevrilərək, tariximizə Zəfər Günü kimi həkk olunmuşdur.